آذری شہریوں کا پاکستان، ترکی سے محبت کا اظہار

باکو: (ویب ڈیسک) آذری دارالحکومت باکو میں رہائشیوں نے گھروں میں پاکستان اور ترکی کے جھنڈوں سے بلڈنگ سجا دیں۔

تفصیلات کے مطابق آذر بائیجان اور آرمینیا کے درمیان ’نگورنو کارا باخ‘ کے تنازع پر جنگ جاری ہے جس میں مسلم ممالک کی آذری فوج نے حریف ممالک کے پرخچے اُڑا رکھے ہیں۔ آذربائیجان کے دارالحکومت باکو کی ایک عمارت کی تصویر سامنے آئی ہے جس پر پاکستان اور ترکی کے جھنڈے لگے نظر آ رہے ہیں۔

آرمینیا سے جنگ کے معاملے پر پاکستان اور ترکی نے برادر اسلامی ملک آذربائیجان کی کھل کر مکمل حمایت کا اعلان کیا ہے اور کہا ہے کہ پاکستان آذری بھائیوں کے ساتھ کھڑا ہے۔

پاکستان میں آذربائیجان کے سفیر علی علیزادہ نے باکو کی ایک تصویر ٹویٹر پر شیئر کی ہے جس میں وہاں کے رہائشیوں نے گھروں کی بالکونیوں میں پاکستان اور ترکی کے جھنڈے لگاکر مشکل وقت میں ساتھ کھڑے ہونے پر اظہار تشکر کیا ہے۔

اپنا تبصرہ بھیجیں