فی تولہ سونا 2400 روپے مہنگا

لاہور: (ویب ڈیسک) ملک بھر میں سونے کی قیمت تاریخ کی بلند ترین سطح پر پہنچ گئی، فی تولہ سونا 2400 روپے مہنگا ہو کر 1 لاکھ 8 ہزار 300 کی ریکارڈ سطح پر پہنچ گیا۔

تفصیلات کے مطابق بین الاقوامی مارکیٹ میں فی اونس سونے کی قیمت میں 26 امریکی ڈالر کا بڑا اضافہ دیکھا گیا جس کے بعد عالمی سطح پر فی اونس سونے کی نئی قیمت 1 ہزار 802 امریکی کرنسی کی سطح پر پہنچ گئی۔

نائن الیون کے بعد عالمی مارکیٹ میں سونے کی فی اونس قیمت 1800 امریکی ڈالر کی سطح پر پہنچ گئی۔

دوسری طرف عالمی سطح پر سونے کی قیمت میں بڑے اضافے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، راولپنڈی، گوجرانوالہ سمیت دیگر جگہوں پر فی تولہ سونے کی قمیت میں 2400 روپے کا اضافہ دیکھا گیا، جس کے بعد سونے کی نئی قیمت ایک لاکھ 8 ہزار 300 کی بلند ترین سطح پر پہنچ گئی ہے۔

دریں اثناء فی تولہ سونے کی طرح دس گرام سونے کی قیمت میں 2 ہزار 58 روپے کا اضافہ ریکارڈ کیا گیا جس کے بعد دس گرام سونے کی قیمت 92 ہزار 850 روپے کی تاریخی سطح پر پہنچ گئی ہے۔

اُدھر سونے کی طرح چاندی کی قیمت میں بھی دس روپے کا اضافہ دیکھا گیا جس کے بعد چاندی کی نئی قیمت ایک ہزار 60 روپے ہو گئی ہے۔ جبکہ دس گرام چاندی کی قیمت 8.58 روپے اضافہ کے بعد 908.78 روپے ہو گئی ہے۔

اپنا تبصرہ بھیجیں