ووسٹر شائر میں آج سے 2 روزہ پریکٹس میچ

لندن: (رائل نیوز) انگلینڈ سیریز کی تیاریاں عروج پر پہنچ گئیں، ووسٹر شائر میں آج سے دو روزہ پریکٹس میچ کا آغاز ہو گا، محمد حفیظ سمیت 6 کھلاڑیوں نے ٹیم کو جوائن کر لیا، نوجوان کرکٹر حیدر علی، عمران خان اور کاشف بھٹی کے بھی کورونا ٹیسٹ منفی، کھلاڑیوں کو نجی ہوٹل کے بائیو سکیور میں جگہ مل گئی۔
بابائے کرکٹ انگلینڈ میں قومی شاہینوں کا پلٹنا جھپٹنا جاری، ووسٹر شائر میں سخت جان مشقوں کے بعد 2 روزہ پریکٹس میچ آج شروع ہو گا۔ کوچز کی فوج میں قومی کرکٹرز نے بیٹنگ، بولنگ اور فیلڈنگ میں کیا کچھ سیکھا، آپس میں کھیلے جارہے میچ میں جوہر دکھائیں گے۔

فزیکل فٹنس پر خاص توجہ، میچ حکمت عملی اور ہدف کے حصول کی خصوصی ٹریننگ دی گئی۔ خوشی کی خبر یہ ہے کہ محمد حفیظ ، فخر زمان، محمد رضوان سمیت چھ کھلاڑیوں نے کورونا ٹیسٹ کلیئر کرنے کے بعد ٹیم کو جوائن کر لیا، پریکٹس میچ کا حصہ ہوں گے۔

ادھر لاہور میں نوجوان کرکٹر حیدر علی، عمران خان اور کاشف بھٹی کی کوویڈ ٹیسٹنگ مسلسل دوسری بار نیگیٹیو آنے پر نجی ہوٹل کے بائیو سکیور میں انٹری ہو گئی، ذرائع کے مطابق تینوں پلیئر آئندہ ہفتے انگلینڈ روانہ ہوں گے۔ انگلش ٹیم کے خلاف پاکستان کی ٹیسٹ سیریز پانچ اگست سے شروع ہو گی۔

اپنا تبصرہ بھیجیں