قومی ویمن کرکٹرز کا آن لائن فٹنس ٹیسٹ آج سے شروع

لاہور: (رائل نیوز) قومی ویمن کرکٹرز کی آن لائن فٹنس جانچ آج سے شروع ہو گی، اڑتیس میں سے پہلی پانچ پلیئرز افطاری کے بعد اِن ایکشن ہوں گی، ٹیسٹ کا رزلٹ کچھ بھی ہو، پی سی بی سنٹرل کنٹریکٹ پر اثر انداز نہیں ہو گا۔
پی سی بی کا ایک اور چھکا، مردوں کے بعد قومی خواتین کرکٹرز کے آن لائن فٹنس ٹیسٹ کا آغاز آج سے ہو رہا ہے، ٹیم منیجمنٹ نے 38 ویمن کھلاڑیوں کو پولز میں تقسیم کر دیا۔

ان میں سے پہلی پانچ پلیئرز آج افطاری کے بعد اپنا زور بازو دکھائیں گی، 20 مئی تک جاری رہنے والے فٹنس ٹیسٹ میں پرون ہولڈ، بلغارین اسکاٹس، ورٹیکل جمپس اور پش اپس شامل ہوں گے۔

پی سی بی نے ساتھ ہی واضح کیا ہے کہ فٹنس ٹیسٹ کا مقصد صرف کھلاڑیوں کو گیم کے ساتھ اٹیچ رکھنا ہے، ٹیسٹ نتائج کا خواتین کرکٹرز کے سنٹرل کنٹریکٹ پر کوئی اثر نہیں ہوگا۔

اپنا تبصرہ بھیجیں