Home / International / دھماکےمیں ریفریجریٹرنےمالکن خاتون کی جان بچالی
دھماکےمیں ریفریجریٹرنےمالکن خاتون کی جان بچالی

دھماکےمیں ریفریجریٹرنےمالکن خاتون کی جان بچالی

لندن : انسان کی زندگی سانسوں کی نازک ڈور سے بندھی ہوتی ہے جس کے ٹوٹنے کا پتہ نہیں چلتا لیکن جب قدرت کو زندگی منظور ہوتو بظاہر قیامت خیز واقعات میں بھی انسان یوں بچ نکلتا ہے کہ عقل دنگ رہ جاتی ہے۔ کچھ ایسا ہی حیرتناک واقعہ برطانیہ کے شہر سنڈرلینڈ میں پیش آیا جہاں ایک گھر میں گیس جمع ہوجانے سے اتنا بڑا دھماکہ ہوا کہ پورا گھر ہی منہدم ہوگیا لیکن محض ایک فریج کی وجہ سے گھر میں موجود خاتون کی زندگی بچ گئی۔  40 سالہ خاتون سوزن شیپرڈ کی بہن ٹریسی نے فیس بک پر شیئر کی گئی ایک پوسٹ میں بتایا ”میری بہن کے گھر میں ہونے والے دھماکے کی وجہ سے سارا گھر تباہ ہوگیا۔ یہ تصور کرنا بھی محال ہے کہ ایسے دھماکے میں کوئی زندہ بچ سکتا ہے لیکن یقینا کہیں خدا موجود ہے جو ہمیں اپنے معجزے دکھاتا ہے۔ میری بہن کے اوپر فریج گرگیا جس کی وجہ سے وہ ملبے تلے دبنے سے محفوظ رہی اور اس لرزہ خیز واقعے میں زندہ بچ گئی ہے۔ اسے ائیرایمبولینس کے ذریعے ہسپتال پہنچایا گیا ہے۔ جب اسے ہسپتال لیجایا جارہا تھا تو وہ ہوش میں تھی اور باتیں بھی کررہی تھی۔“
ایمرجنسی اہلکاروں نے مقامی میڈیا کو بتایا کہ سوزن کے ارد گرد ڈھیروں ملبہ گرا ہوا تھا ،اس کے چہرے کمر اور بازوﺅں پر زخم آئے تھے لیکن خوش قسمتی کی بات ہے کہ اس کے اوپر گرنے والے فریج کی وجہ سے بھاری ملبہ براہ راست اس کے اوپر نہیں گرا تھا۔ ڈاکٹروں کا کہنا ہے کہ اس کے زخموں کا علاج کیا جارہا ہے اور امید ہے کہ جلد ہی وہ اپنے گھر جاسکے گی۔

About Faisal

Leave a Reply

Your email address will not be published. Required fields are marked *

*

Scroll To Top