بیک وقت ڈھیر ساری ڈیوائسز چارج کرنے والی میز

دنیا بھر میں جیسے جیسے الیکٹرانک اشیا کا استعمال بڑھ رہا ہے ویسے ویسے ان کی چارجنگ کے لیے بھی نئی نئی ایجادات متعارف کروائی جارہی ہیں، حال ہی میں ایسی میز پیش کی گئی ہے جو بیک وقت کئی ڈیوائسز چارج کرسکتی ہے۔

اسپین کی ایک کمپنی کی جانب سے بنائی گئی میز جسے ’ای بورڈ‘ کا نام دیا گیا ہے بیک وقت 50 ڈیوائسز چارج کرسکتی ہے اور اس کے لیے اسے تاروں کی ضرورت بھی نہیں۔

ای بورڈ ’چی‘ ٹیکنالوجی پر مبنی پلیٹ فارم ہے جس کے ذریعے جدید ماڈل کے موبائل فون اس سے تار کے بغیر چارج ہوسکتے ہیں۔

ان میں آئی فون اور گیلکسی کے جدید ماڈلز، گوگل پکسل تھری اور تھری ایکس ایل، تقریباً تمام اسمارٹ واچز، ٹیبلٹس، ایئر بڈ اور ایئر فون شامل ہیں۔

وائر لیس چارجنگ کی سہولت کے بغیر موبائل فونز کے لیے اس کے ساتھ ایڈاپٹرز بھی پیش کیے گئے ہیں۔ یہ میز شمسی توانائی پر کام کرتی ہے اور مصنوعی روشنی کو بھی ذخیرہ کر کے اسے استعمال میں لاتی ہے۔

https://youtu.be/KmDNBvZh-40

اپنا تبصرہ بھیجیں